نئی دہلی،30جون(ایس او نیوز؍آئی این ایس انڈیا)جی ایس ٹی آج آدھی رات کو لانچ ہو گیا۔اس کے لئے پارلیمنٹ ہاؤس میں وسیع تیاریاں کی گئی تھیں۔انہیں سب کے درمیان کانگریس نائب صدر راہل گاندھی نے کہا کہ جی ایس ٹی میں بہت سے امکانات ہیں لیکن اپنی تشہیر کے لئے اسے آدھی ادھوری شکل میں جلدی میں لاگو کیا جا رہا ہے۔نوٹ بندی کی طرح ہی جی ایس ٹی کو ایک غیر فعال اور بے حس حکومت کی طرف سے ضروری تیاری کے بغیر لاگو کیا جا رہا ہے۔ہندوستان میں ایسے جی ایس ٹی کو لائے جانے کی ضرورت ہے جو کروڑوں شہریوں، چھوٹے تاجروں اور تاجروں کو اتنی تشویش میں نہ ڈالے۔